Maaaring gamitin ang Coins.ph para sa inyong negosyo.
Narito ang mga hakbang para magsimula:
1. Magrehistro para sa isang Coins.ph account
2. Tapusin ang proseso ng ID, selfie, at address verification.
Kailangang maaprubahan ang mga ito para makapag-apply ng business verification:
-
ID at selfie verification – para sa taong may access sa account, kailangang magsubmit ng isang valid ID mula sa listahang ito, na kasama ang litrato ng inyong sarili hawak ang ID. Maaaring panoorin ang maikling video na ito para matulungan kayo sa buong proseso.
-
Address verification – para sa taong may access sa account, kailangan lamang magsumite ng alinman sa mga dokumentong nasa listahang ito.
Hinihikayat naming suriin ang link na ito para sa ilang gabay para maverify agad ang inyong account.
3. Sa sandaling naaprubahan na ang address verification, maaaring mag-apply para sa business verification
Para sa mga Sole Proprietorship businesses na tumatakbo sa ilalim ng pangalan ng asawa o ibang kasosyo, mangyaring i-request sa Sole Proprietor na pumirma at mag-notarize ng Special Power of Attorney (SPA) na nagsasabing mayroon kayong legal na kapangyarihang magbukas at gumamit ng account sa Coins.ph sa ngalan ng negosyong pinag-uusapan.
Mangyaring magpasa rin ng Certificate of Registration na inilathala ng Department of Trade and Industry (DTI).
Para sa negosyong namamahala bilang Partnerships at Corporations, kailangang isumite ang mga sumusunod:
- Articles of Incorporation o Association and By-Laws.
- Secretary Certificate: Ang katibayan na ito ay kailangan para makapag-bukas ng account sa Coins.ph. Nagpapatunay ito na ang isang tao ay mayroong awtoridad na mamahala ng account sa ngalan ng inyong kompanya. Kailangan lamang na may pirma at napanotaryo ang Secretary Certificate bago ito ipasa sa Coins.ph. Maaaring i-download ang template nito mula sa business application form.
- Directors, Major stockholders at Officers:
(i) Para sa mga kompanyang tumatakbo sa loob ng Pilipinas: Pinakahuling GIS na ipinasa sa SEC.
(ii) Para sa mga kompanyang tumatakbo sa ibang bansa: isang pormal na dokumento (o pirmadong deklarasyon – kung ang pormal na dokumento ay hindi makukuha).
Kung ang negosyo ay nakikibahagi sa isang regulated na aktibidad o industriya, mangyaring magsumite ng isang kopya ng iyong lisensya / regulatory approval ng kani-kanilang regulator. Ang mga karagdagang dokumento na kailangang isumite ay:
- Certificate of Registration na itinakda ng Bangko Sentral ng Pilipinas (BSP), para sa mga money chargers o foreign exchange dealers at remittance agents; at
- Para sa mga Sole Proprietorship businesses na tumatakbo sa ilalim ng pangalan ng asawa o ibang kasosyo, mangyaring hilingin sa Sole Proprietor na pumirma at mag-notarize ng Special Power of Attorney (SPA) na nagsasabing mayroon kayong legal na sanggunian na magbukas at gumamit ng account sa Coins.ph sa ngalan ng negosyong pinag-uusapan. Maaaring humingi ng template nito mula sa amin.
Walang sinisingil na bayarin sa paglikha at pagpapanatili ng isang account sa Coins.ph. Wala ring kinakailangang panatilihang average daily balance para magamit ang aming serbisyo. Ito ay isang pay-as-you-go service. Kung mayroon man, kailangan lamang magbayad ng transaction fees sa ibang serbisyo.
Bukod pa rito, maaari pa ring gamitin ang inyong Coins.ph para sa inyong negosyo kahit na ito ay nakarehistro sa ibang bansa.
Sa business verification stage, mangyaring magsumite ng mga katumbas na dokumento sa bansang inirehistruhan. Kinakailangan ang mga dokumentong ito para marapat na mapatotohanan ng Consulate ng Pilipinas sa inyong lokal na erya. Mangyaring makipag-ugnayan sa aming upang masuri namin ang inyong mga dokumento bago ninyo ipa-aproba.
Kung may website ang inyong negosyo, mayroon kaming APIs para sa iba’t ibang serbisyo. Maaaring tingnan ang link na ito para sa karagdagang impormasyon - https://coins.readme.io/
Malugod naming hihintayin ang inyong aplikasyon! Maaaring pumunta sa link na ito para makapag-sumite ng pangunahing impormasyon ukol sa inyong negosyo at mga dokumento.
Kung mayroong karagdagang katanungan, maaari magpadala ng mensahe sa help@coins.ph