Ang Securities and Exchange Commission (SEC) ay naglabas ng advisory patungkol sa TOGACHAT ACADEMY PHILIPPINES, INC. under new name EOSTRE BERHAD. Ang advisory na ito ay nagsilbing babala sa publiko tungkol sa mga indibidwal at grupo na kasangkot sa naturang mga aktibidad. Tinutukoy ng advisory ang mga aktibidad sa likod ng scheme na ito, at pinapayuhan ang publiko na huwag mag-invest o huminto sa pag-invest sa anumang investment scheme na inaalok ng nabanggit na kumpanya. Bilang karagdagan, inatasan ng SEC ang kumpanya at ang mga officer o kinatawan nito na tumigil (cease and desist) mula sa pagbebenta o pag-aalok ng pagbenta ng mga securities at investment contracts hanggang ang kinakailangang registration ay na-file nang maayos at naaprubahan ng Commission.
Bilang suporta sa layuning ito, ang Coins.ph ay hindi nag-endorso o konektado sa anumang paraan sa mga naturang aktibidad o produkto. Bukod dito, mayroon tayong zero tolerance policy sa pandaraya at mga gawi ng scamming. Sa isa pang artikulo, binanggit namin ang mga tips para maiwasan ang mga investment schemes at iba pang online scams. Hinihikayat namin ang aming mga customer na dagdag na maging maingat sa kanilang mga pera at kumilos ayon sa aming User Agreement.
Maaaring bisitahin ang link na ito para mas ma-secure ang iyong Coins.ph account. Kung meron pa kayong katanungan, maaari niyo kaming i-message dito.
